Nakul Bhardwaj's Story

Hi dosto, mera naam Nakul Bhardwaj hai. Main 27 saal ka hoon aur profession se ek chef hoon. Kitchen me khana banana aur logo ko khilana mera kaam bhi hai aur passion bhi. Par meri zindagi ka ek aur bhot khoobsurat hissa hai, jha main sirf khana nhi, balki khushiyan baantta hoon.Dherya Ke Sath 6 Saal Ka SafarMain 'dherya ek sath ek wishwash' NGO ke sath pichle lag bhag 6 saal se juda hoon as a volunteer. Ye 6 saal meri zindagi ke sabse behtareen saal rhe hain. Jab main is NGO ke sath kaam karta hoon, to mujhe ek alag hi proud feel hota hai jise main shabdon me bayan nhi kar sakta.Priyam Mam Ka SupportIs pure safar me Priyam Mam ka sath bhot khaas rha hai. Unke sath kaam karne me ek alag hi khushi milti hai. Unka vision aur unka guidance mujhe har din kuch naya aur accha karne ke liye motivate karta hai.Hum Chije Nhi, Khud Ko Baantte HainHumara tarika thoda alag hai. Jab hum slum areas me jate hain, to humara maqsad sirf logo ko khana, kapde ya koi saman baantna nhi hota. Hum wahan un logo ke sath waqt bitate hain, unki baatein sunte hain, aur unke sukh-dukh me shamil hote hain. In short, hum unke sath 'khud ko baantte hain'.Jab hum unke chehre par wo sachi smile dekhte hain, to jo sukoon aur khushi milti hai, wo duniya ki kisi bhi badi kitchen me khana banakar nhi mil sakti. Mujhe bhot garv hai ki main Dherya NGO aur Priyam Mam ke is mission ka ek hissa hoon.